MNF chuan, "Tuilian leh leimin avangin harsatna tam tak a thleng a. Leimin, tuilian leh chhiatna dang thleng avangin khawsak phung nasa takin a khaihlak ṭan mek a. Ram pawn aṭanga ei leh bar chawkluh kawngah pawh engemaw chen bahlah a awm ngeiin a rinawm a. Ramchhunga nitin mamawh awm ang ang in theisem kawngah leh tanpui ngaite tanpui kawngah, Zonunmawi lantir zel nise MNF chuan a duhin, ṭanpui ngaite ṭanpuitu ni theuh ila a duh takzet a ni," an ti a.

"Khuarel chhiatna thleng mekah a ṭul ang zela hmalatu Mizoram Sorkar pawh harsatna thlen belh zel thei laka inven kawngah leh, harsatna thleng mek chinfel leh chhiat tawkte chhawmdawl kawngah theihtawp chhuah zel turin a beisei a. Sorkar hmalakna tichaktu ni theuh turin mipuite a beisei bawk a ni," tiin an thuchhuah ah tarlan a ni.